ਮਲਕੀਤ ਰੌਣੀ
ਫਰਮਾ:Infobox personਮਲਕੀਤ ਸਿੰਘ ਰੌਣੀ ਇੱਕ ਪੰਜਾਬੀ ਸਿਨਮਾ ਦਾ ਅਦਾਕਾਰ ਅਤੇ ਥੀਏਟਰ ਕਲਾਕਾਰ ਹੈ।[1] ਉਸਦਾ ਜਨਮ 8 ਨਵੰਬਰ ਨੂੰ ਰੋਪੜ ਜ਼ਿਲੇ ਦੇ ਪਿੰਡ ਰਾਣੀ ਖੁਰਦ ਵਿੱਚ ਹੋਇਆ ਸੀ। ਉਸਨੇ ਥੀਏਟਰ ਵਿੱਚ ਗ੍ਰੈਜੂਏਸ਼ਨ ਕੀਤੀ ਹੈ। ਉਸ ਦਾ ਵਿਆਹ ਗੁਰਪ੍ਰੀਤ ਕੌਰ ਨਾਲ ਹੋਇਆ ਹੈ। ਉਸਨੇ 2008 ਵਿੱਚ ਟੀਵੀ ਸੀਰੀਅਲ "ਜੁਗਨੀ ਚੱਲੀ ਜਲੰਧਰ" ਅਤੇ 2009 ਵਿੱਚ "ਜੱਗ ਜਿਓਂਦਿਆਂ ਦੇ ਮੇਲੇ" ਨਾਲ ਵੱਡੇ ਪਰਦੇ ਦੀ ਦੁਨੀਆ ਤੇ ਆਪਣੇ ਕੈਰੀਅਰ ਦੀ ਸ਼ੂਰੁਆਤ ਕੀਤੀ। ਮਲਕੀਤ ਨੇ ਹੁਣ ਤੱਕ 50 ਤੋਂ ਵੱਧ ਪੰਜਾਬੀ ਫਿਲਮਾਂ ਅਤੇ ਕਈ ਪੰਜਾਬੀ ਗੀਤਾਂ ਦੀ ਵੀਡਿਓ ਵਿੱਚ ਵੀ ਸ਼ਿਰਕਤ ਕੀਤੀ ਹੈ।[2] ਉਸਨੇ ਬਾਲੀਵੁੱਡ ਫਿਲਮਾਂ "ਸਰਬਜੀਤ" "ਨੋ ਪ੍ਰਾਬਲਮ" ਅਤੇ "ਅਤਿਥੀ ਤੁਮ ਕਬ ਜਾਓਗੇ" ਵਿੱਚ ਵੀ ਕੰਮ ਕੀਤਾ ਹੈ।
ਸਿੱਖਿਆ
ਓਹਨਾ ਨੇ ਪਿੰਡ ਖੇੜਾ, ਜ਼ਿਲ੍ਹਾ ਮੋਹਾਲੀ ਤੋਂ ਪ੍ਰਾਇਮਰੀ ਸਕੂਲ ਪਾਸ ਕੀਤਾ ਅਤੇ ਪਿੰਡ ਖੰਟ ਮਾਨਪੁਰ, ਜ਼ਿਲ੍ਹਾ ਫਤਿਹਗੜ ਸਾਹਿਬ ਤੋਂ ਬਾਰਵੀਂ ਕਰਨ ਉਪਰੰਤ ਪਿੰਡ ਬੇਲਾਂ (ਰੋਪੜ) ਵਿਖੇ ਗ੍ਰੈਜੂਏਸ਼ਨ ਕੀਤੀ। ਸਕੂਲ ਵਿੱਚ ਹੀ ਓਹਨਾ ਦੀ ਥੀਏਟਰ ਪ੍ਰਤੀ ਰੁਚੀ ਜਾਗ੍ਰਿਤ ਹੋਈ ਅਤੇ ਗੁਰਸ਼ਰਨ ਸਿੰਘ ਓਹਨਾ ਦੇ ਪ੍ਰੇਰਨਾ ਸਰੋਤ ਰਹੇ। ਓਹਨਾ ਨੇ ਚਮਕੌਰ ਸਾਹਿਬ ਵਿੱਚ ਆਪਣਾ ਥੀਏਟਰ ਗਰੁੱਪ "ਚੇਤਨਾ ਕਲਾ ਮੰਚ" ਸ਼ੁਰੂ ਕੀਤਾ।
ਕੈਰੀਅਰ
ਸ਼ੁਰੂਆਤੀ ਦੌਰ ਵਿੱਚ ਓਹਨਾ ਨੇ ਅਲਫ਼ਾ ਟੀਵੀ ਪੰਜਾਬੀ ਦੇ ਸੀਰੀਅਲ ਸਰਹੱਦ, ਮਨਜੀਤ ਜਗਜੀਤ ਤੋਂ ਸ਼ੁਰੂਆਤ ਕੀਤੀ। ਉਸ ਤੋਂ ਬਾਅਦ ਓਹਨਾ ਨੇ ਕੁਝ ਚਰਚਿਤ ਪੰਜਾਬੀ ਨਾਟਕਾਂ ਵਿੱਚ ਵੀ ਕੰਮ ਕੀਤਾ, ਜਿਵੇਂ ਕਿ ਸੌਦੇ ਦਿਲਾਂ ਦੇ, ਕੱਚ ਦੀਆਂ ਵੰਗਾਂ, ਅੱਖੀਆਂ ਤੋਂ ਦੂਰ ਜਾਈ ਨਾ, ਮੀਤ ਮਿਲਾ ਦੇ ਰੱਬਾ, ਵੀਰਾ, ਜੁਗਨੀ ਚੱਲੀ ਜਲੰਧਰ, ਅੰਮ੍ਰਿਤ ਮੰਥਨ, ਅਰਜੁਨ, ਸਾਵਧਾਨ ਇੰਡੀਆ, ਮਹਾਭਾਰਤ 2, ਆਦਿ। ਉਸ ਤੋਂ ਬਾਅਦ ਮੁੰਬਈ ਰਹਿੰਦੇ ਹੋਏ, ਓਹਨਾ ਨੇ ਬਹੁਤ ਸੀਰੀਅਲਾਂ ਅਤੇ ਫ਼ਿਲਮਾਂ ਵਿੱਚ ਕੰਮ ਕੀਤਾ। 2009 ਵਿੱਚ ਓਹਨਾ ਨੇ ਪੰਜਾਬੀ ਫ਼ਿਲਮਾਂ ਦੀ ਸ਼ੁਰੂਆਤ "ਜੱਗ ਜਿਓਂਦਿਆਂ ਦੇ ਮੇਲੇ" ਫ਼ਿਲਮ ਤੋਂ ਆਰੰਭ ਕੀਤੀ। ਓਹਨਾ ਨੇ ਕਈ ਹਿੰਦੀ ਫ਼ਿਲਮਾਂ ਵਿੱਚ ਕੰਮ ਕੀਤਾ, ਜਿਵੇਂ ਕਿ "ਲੰਡਨ ਡ੍ਰੀਮਜ਼", "ਅਤਿਥੀ ਤੁਮ ਕਬ ਜਾਓਗੇ", "ਜ਼ੁਬਾਨ", "ਨੋ ਪ੍ਰੋਬਲਮ", "ਸਰਬਜੀਤ", "ਰਾਜਾ ਅਬਰੋਡਿਆ" ਆਦਿ। ਓਹਨਾ ਨੇ ਚਰਚਿਤ ਲੇਖਕ ਸਆਦਤ ਹਸਨ ਮੰਟੋ ਦੀ ਲਿਖੀ ਕਹਾਣੀ "ਟੋਬਾ ਟੇਕ ਸਿੰਘ" ਵਿੱਚ ਵੀ ਕੰਮ ਕੀਤਾ। ਓਹਨਾ ਨੇ ਹਾਲੀਵੁੱਡ ਦੀ ਫਿਲਮ "ਦਾ ਜੀਨੀਅਸ ਆਫ ਬ੍ਯੂਟੀ" ਚ ਵੀ ਰੋਲ ਨਿਭਾਇਆ ਹੈ। ਪੰਜਾਬੀ ਸਿਨਮੇ ਵਿੱਚ ਓਹਨਾ ਨੇ ਬਹੁਤ ਮਕਬੂਲ ਪੰਜਾਬੀ ਫ਼ਿਲਮਾਂ ਵਿੱਚ ਅਦਾਕਾਰੀ ਕੀਤੀ, ਜਿਵੇਂ ਕਿ ਪੰਜਾਬ 1984, ਬੰਬੂਕਾਟ, ਅਰਦਾਸ, ਪ੍ਰਾਹੁਣਾ, ਰੌਕੀ ਮੈਂਟਲ, ਛੜਾ, ਲਾਵਾਂ ਫੇਰੇ, ਦਾਣਾ ਪਾਣੀ, ਰੱਬ ਦਾ ਰੇਡੀਓ, ਮੰਜੇ ਬਿਸਤਰੇ, ਨਿੱਕਾ ਜ਼ੈਲਦਾਰ 2, ਅਰਦਾਸ ਕਰਾਂ ਆਦਿ।
ਫ਼ਿਲਮਾਂ
| ਸਾਲ | ਫ਼ਿਲਮਾਂ |
|---|---|
| 2009 | ਜੱਗ ਜਿਊਂਦਿਆਂ ਦੇ ਮੇਲੇ |
| ਲੱਗਦੈ ਇਸ਼ਕ ਹੋ ਗਿਆ | |
| ਸਿਆਸਤ | |
| ਕਿਸਾਨ | |
| ਮੁੰਡੇ ਯੂ.ਕੇ. ਦੇ | |
| ਲੰਡਨ ਡਰੀਮਜ਼ (ਹਿੰਦੀ) | |
| 2010 | ਚੱਕ ਜਵਾਨਾਂ |
| ਇਕ ਕੁੜੀ ਪੰਜਾਬ ਦੀ | |
| 2012 | ਕਬੱਡੀ ਵਨਸ ਅਗੇਨ |
| ਯਾਰਾਂ ਨਾਲ ਬਹਾਰਾਂ-2 | |
| 2013 | ਸਿੰਘ ਵਰਸਿਜ਼ ਕੌਰ |
| 2014 | ਪੰਜਾਬ 1984 |
| 2015 | ਕਿੱਸਾ |
| 2016 | ਸਰਬਜੀਤ (ਹਿੰਦੀ) |
| ਬੰਬੂਕਾਟ (ਪੰਜਾਬੀ) | |
| ਮੈਂ ਤੇਰੀ ਤੂੰ ਮੇਰਾ | |
| ਅਰਦਾਸ | |
| ਦੁੱਲਾ ਭੱਟੀ | |
| ਮਿੱਟੀ | |
| ਧਰਮ ਯੁੱਧ ਮੋਰਚਾ | |
| 2017 | ਰੌਕੀ ਮੈਂਟਲ[4] |
| ਜ਼ਬਾਨ | |
| ਅਸਲੀ ਪੰਜਾਬ | |
| ਭਗਤ ਸਿੰਘ ਦੀ ਉਡੀਕ | |
| 2018 | ਢੋਲ ਰੱਤੀ |
| ਲਾਵਾਂ ਫੇਰੇ | |
| ਦਾਣਾ ਪਾਣੀ | |
| ਅਸੀਸ | |
| ਬਣਜਾਰਾ - ਟਰੱਕ ਡਰਾਈਵਰ | |
| ਪ੍ਰੌਹਣਾ | |
| ਸੰਨ ਆਫ਼ ਮਨਜੀਤ ਸਿੰਘ | |
| ਲਾਟੂ | |
| ਵੱਡਾ ਕਲਾਕਾਰ | |
| ਟੋਬਾ ਟੇਕ ਸਿੰਘ | |
| 2019 | 15 ਲੱਖ ਕਦੋਂ ਆਊਗਾ |
| ਦੂਰਬੀਨ | |
| ਅਰਦਾਸ ਕਰਾਂ | |
| ਨਾਢੂ ਖਾਂ | |
| ਗਿੱਦੜ ਸਿੰਘੀ | |
| ਕਾਕੇ ਦਾ ਵਿਆਹ | |
| ਟਾਈਟੈਨਿਕ | |
| ਦੋ ਦੂਣੀ ਪੰਜ | |
| ਯਾਰਾ ਵੇ | |
| ਨਾਨਕਾ ਮੇਲ | |
| ਛੜਾ | |
| ਆਲ੍ਹਣਾ | |
| 2020 | ਪੋਸਤੀ[5] |
| ਜਿੰਦੇ ਮੇਰੀਏ | |
| ਪਾਣੀ ਚ ਮਧਾਣੀ | |
| ਪਰਿੰਦੇ |
ਹਵਾਲੇ
- ↑ "Malkeet Rauni". www.facebook.com. Retrieved 2020-07-13.
- ↑ "Malkeet Rauni Age, Wife, Family, Biography & More » StarsUnfolded". StarsUnfolded (in British English). 2018-12-10. Retrieved 2020-07-13.
- ↑ "Malkit Rauni movies and filmography - Cinestaan.com". Cinestaan. Retrieved 2020-07-13.
- ↑ "Malkeet Rauni". IMDb. Retrieved 2020-07-13.
- ↑ "Malkeet Rauni: Movies, Photos, Videos, News, Biography & Birthday | eTimes". timesofindia.indiatimes.com. Retrieved 2020-07-13.