ਸ਼ੂਸ਼ਕ

ਸ਼ੂਸ਼ਕ ਜਾਂ ਸ਼ੂਛਕ ਪੰਜਾਬੀ ਸੱਭਿਆਚਾਰ ਵਿੱਚ ਇੱਕ ਰਸਮ ਹੈ ਜਿਸ ਵਿੱਚ ਪਹਿਲੇ ਬੱਚੇ ਦੇ ਜਨਮ ਤੋਂ ਬਾਅਦ ਛਟੀ ਦੇ ਦਿਨ ਬੱਚੇ ਦੇ ਨਾਨਕਿਆਂ ਵੱਲੋਂ ਬੱਚੇ ਲਈ ਕੱਪੜੇ ਅਤੇ ਟੂਮਾਂ ਭੇਜੀਆਂ ਜਾਂਦੀਆਂ ਹਨ। ਇਸ ਵਿੱਚ ਆਮ ਤੌਰ ਉੱਤੇ ਬੱਚੇ ਲਈ ਝੱਗਾ, ਤੌਲੀਆ ਅਤੇ ਟੋਪੀ ਜਾਂ ਰੁਮਾਲ ਸ਼ਾਮਿਲ ਹੁੰਦਾ ਹੈ। ਇਸ ਮੌਕੇ ਉੱਤੇ ਅਮੀਰ ਪਰਿਵਾਰਾਂ ਵਿੱਚ ਨਾਨਕਿਆਂ ਵੱਲੋਂ ਦਾਦਕਿਆਂ ਵਿੱਚ ਸਾਰਿਆਂ ਨੂੰ ਹੀ ਕੱਪੜੇ, ਬਿਸਤਰੇ ਆਦਿ ਚੀਜ਼ਾਂ ਦਿੱਤੀਆਂ ਜਾਂਦੀਆਂ ਹਨ। ਜੇ ਬੱਚੇ ਦਾ ਜਨਮ ਉਸ ਦੇ ਨਾਨਕੇ ਘਰ ਵਿੱਚ ਹੋਇਆ ਹੋਵੇ ਤਾਂ ਜਦੋਂ ਉਹ ਸਵਾ ਮਹੀਨੇ ਦਾ ਹੁੰਦਾ ਹੈ ਤਾਂ ਉਸ ਦਾ ਬਾਪ ਆ ਕੇ ਮਾਂ-ਪੁੱਤ ਨੂੰ ਉਸਦੇ ਪਿੰਡ ਲਜਾਉਣ ਲਈ ਆਉਦਾ ਹੈ। ਇਸ ਮੌਕੇ ਘਰਾਂ ਦੇ ਰਿਸ਼ਤੇਦਾਰ ਸ਼ੂਸ਼ਕ ਵਿੱਚ ਦਿਤਾ ਹੋਇਆ ਸਮਾਨ ਦੇਖਣ ਆਉਦੀਆਂ ਹਨ।

ਹੋਰ ਵੇਖੋ

• ਛਟੀ