ਬਾਰਾਂ ਸਾਲ ਗ਼ੁਲਾਮੀ
ਬਾਰਾਂ ਸਾਲ ਗ਼ੁਲਾਮੀ ਕਿਤਾਬ ਦੇ ਲੇਖਕ ਸੋਲੋਮਨ ਨਾਰਥਅਪ ਹਨ ਜਿਹਨਾਂ ਨੇ ਆਪਣੀ ਬਾਰਾਂ ਸਾਲਾਂ ਦੀ ਦਾਸਤਾ ਤੇ ਗ਼ੁਲਾਮੀ ਦੇ ਜੀਵਨ ਦੀਆਂ ਬੜੀਆਂ ਮਾਰਮਿਕ ਤੇ ਦਿਲ ਕੰਬਾਊ ਯਾਦਾਂ ਨੂੰ ਇਸ ਕਿਤਾਬ ਵਿੱਚ ਵਰਨਣ ਕਿਤਾ ਹੈ। ਇਹ ਬਿਰਤਾਂਤ ਇੱਕ ਸਿਆਹਫਾਮ ਅਮਰੀਕੀ ਦੀ ਹਿਰਦਾ ਵਲੂੰਧਰਨ ਵਾਲੀ ਆਪ ਬੀਤੀ ਹੈ ਜੋ ਵਾਸ਼ਿੰਗਟਨ ਦਾ ਆਜ਼ਾਦ ਨਾਗਰਿਕ ਸੀ। ਤਕਰੀਬਨ 175 ਸਾਲ ਪਹਿਲਾਂ ਉਸ ਨੂੰ ਅਗਵਾ ਕਰ ਕੇ ਗ਼ੁਲਾਮ ਪ੍ਰਥਾ ਵਾਲੇ ਦੱਖਣੀ ਇਲਾਕਿਆਂ ਵਿੱਚ ਵੇਚ ਦਿੱਤਾ ਗਿਆ। ਬਾਰਾਂ ਸਾਲਾਂ ਤਕ ਆਪਣੇ ਘਰ ਪਰਿਵਾਰ ਤੋਂ ਦੂਰ ਰਹਿੰਦਿਆਂ ਗ਼ੁਲਾਮ-ਦਾਸ ਦੇ ਰੂਪ ਵਿੱਚ ਉਸ ਨੇ ਭਿਆਨਕ ਸਰੀਰਕ ਦੁੱਖ ਤੇ ਮਾਨਸਿਕ ਕਸ਼ਟ ਝੱਲੇ। ਗ਼ੁਲਾਮੀ ਪ੍ਰਥਾ ਦਾ ਸਭ ਤੋਂ ਵੱਧ ਕਸ਼ਟ ਅਫਰੀਕੀਆਂ ਨੇ ਝੱਲਿਆ। ਆਪਣੇ ਕਾਲੇ ਰੰਗ ਕਾਰਨ ਉਹਨਾਂ ਨੂੰ ਹਰ ਥਾਂ ਬੇਇਨਸਾਫ਼ੀ ਤੇ ਭੇਦਭਾਵ ਹੀ ਮਿਲਿਆ ਅਤੇ ਹਰ ਘੜੀ ਜ਼ਿੱਲਤ ਭੋਗਣੀ ਪਈ।