ਗੁਰਪ੍ਰੀਤ ਸਿੰਘ ਲਹਿਲ
ਗੁਰਪ੍ਰੀਤ ਸਿੰਘ ਲਹਿਲ (گرپریت سنگھ لیہل (ਸ਼ਾਹਮੁਖੀ)) (ਜਨਮ 6 ਫਰਵਰੀ 1963) ਉੱਘੇ ਕੰਪਿਊਟਰ ਮਾਹਿਰ ਹਨ। ਉਹ ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਦੇ ਕੰਪਿਊਟਰ ਸਾਇੰਸ ਵਿਭਾਗ ਵਿੱਚ ਪ੍ਰੋਫ਼ੈਸਰ, ਅਤੇ ਪੰਜਾਬੀ ਭਾਸ਼ਾ ਤਕਨਾਲੋਜੀ ਦਾ ਖੋਜ ਕੇਂਦਰ ਦੇ ਡਾਇਰੈਕਟਰ ਹਨ। ਉਹ ਪੰਜਾਬੀ-ਸਾਫਟਵੇਅਰ-ਵਿਕਾਸ ਦੇ ਮੋਢੀਆਂ ਵਿੱਚੋਂ ਹਨ। ਉਹਨਾਂ ਨੇ ਗੁਰਮੁਖੀ ਦੇ ਪਹਿਲੇ ਓਸੀਆਰ ਸਾਫਟਵੇਅਰ, ਪੰਜਾਬੀ ਦੇ ਪਹਿਲੇ ਵਰਡ ਪ੍ਰੋਸੈਸਰ, ਪਹਿਲੇ ਪੰਜਾਬੀ ਸਪੈੱਲ-ਚੈੱਕਰ ਅਤੇ ਪਹਿਲੇ ਗੁਰਮੁਖੀ-ਸ਼ਾਹਮੁਖੀ ਲਿਪੀਅੰਤਰਨ ਆਦਿ ਸਾਫ਼ਟਵੇਅਰਾਂ ਦਾ ਵਿਕਾਸ ਕੀਤਾ ਹੈ।[1]
| ਗੁਰਪ੍ਰੀਤ ਸਿੰਘ ਲਹਿਲ | |
|---|---|
 ਗੁਰਪ੍ਰੀਤ ਸਿੰਘ ਲਹਿਲ | |
| ਜਨਮ | ਗੁਰਪ੍ਰੀਤ ਸਿੰਘ ਲਹਿਲ 6 ਫਰਵਰੀ 1963 ਦਿੱਲੀ, ਭਾਰਤ |
| ਅਲਮਾ ਮਾਤਰ | ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ |
| ਪੇਸ਼ਾ | ਕੰਪਿਊਟਰ ਇੰਜਨੀਅਰ |
ਸਿੱਖਿਆ
ਗੁਰਪ੍ਰੀਤ ਨੇ ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ ਤੋਂ ਗਣਿਤ ਵਿੱਚ ਪੋਸਟ ਗਰੈਜੂਏਸ਼ਨ, ਇੰਜੀਨੀਅਰਿੰਗ ਅਤੇ ਤਕਨਾਲੋਜੀ ਦੀ ਥਾਪਰ ਇੰਸਟੀਚਿਊਟ ਤੋਂ ਕੰਪਿਊਟਰ ਸਾਇੰਸ ਦੀ ਮਾਸਟਰ ਦੀ ਡਿਗਰੀ ਅਤੇ ਫਿਰ ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਤੋਂ ਕੰਪਿਊਟਰ ਸਾਇੰਸ 'ਚ ਗੁਰਮੁਖੀ ਆਪਟੀਕਲ ਕਰੈਕਟਰ ਪਛਾਣ (ਓ.ਸੀ.ਆਰ.) ਸਿਸਟਮ ਤੇ ਪੀਐਚ.ਡੀ. ਕੀਤੀ।